Fyrir 12-14 manns

Aðferð – Marengs

1. Hitið ofninn í 120°C með blæstri.

2. Þeytið eggjahvíturnar þar til þær mynda mjúka toppa.

3. Bætið sykrinum smám saman út í, litlu í einu, og þeytið áfram á miklum hraða þar til marengsinn er orðinn stífur og glansandi.

4. Blandið möndluflögunum varlega saman við marengsinn með sleikju.

5. Skiptið marengsinum í fjóra misstóra hringi á tvær bökunar plötur með bökunarpappír, tvo hringi á hvora plötu. Gott er að teikna hringina á bökunarpappírinn til viðmiðunar. Miðið við að stærsti hringurinn sé um 26 cm í þvermál og að hver hringur sé um 4 cm minni en sá næsti á undan. Skiljið örlítið af marengsinum eftir til að móta lítinn topp sem verður fimmta og efsta hæð jólatrésins.

6. Bakið báðar plöturnar samtímis í ofninum við 120°C með blæstri í um 75 mínútur. Ef tími gefst til er gott að slökkva á ofninum og leyfa marengsinum að kólna inni í honum.

Aðferð – Rjómafylling

1. Þeytið rjómann þar til hann er orðinn léttur og þéttur.

2. Skerið stærri berin í minni bita og blandið þeim varlega saman við rjómann ásamt Nóa Smá Kroppinu.

3. Setjið stærsta marengsbotninn á kökudisk og dreifið hluta af rjómafyllingunni yfir. Leggið næststærsta botninn ofan á og endurtakið þar til allir botnarnir hafa verið lagðir saman, frá þeim stærsta til þess minnsta.

4. Setjið litla marengstoppinn efst á jólatréð.

5. Skreytið að vild með ferskum berjum og Nóa Smá Kroppinu.

Uppskrift úr Kökubæklingi 2026