Köku botnar

Þeytið saman eggin, sykurinn og vanilludropa þar til mjög létt og ljóst í u.þ.b. 5-7 mín.

Sigtið hveitið í eggjablöndunna og hrærið varlega með sleikju svo að deigið haldist létt
og ljóst.

Passið að hræra ekki of mikið bara nóg til að allt hveitið hefur blandast saman
við.

Hellið deiginu svo í smelluform með bökunarpappírs skífu í botninum og bakið í 15-20
mín eða þar til yfirborðið virðist gullið brúnt.

Leyfið síðan að kólna og skerið síðan meðfram kantinum á kökunni og takið hana síðan
úr forminu og hreinsið síðan formið fyrir samsetningu seinna.

Ástaraldin mús

Skerið ástaraldin í helming og tæmið allt ástaraldin kjötið í sigti yfir skál.

Notið síðan skeið til að ýta öllum safanum í gegnum sigtið svo að fræin og smá af kjötinu
úr ástaraldin situr eftir. Setjið svo safnan til hliðar.

Setjið hvíta súkkulaðið í skál og leggið til hliðar.

Leggið matarlíms plötuna í bleyti í köldu vatni í 5 mín. Kreistið síðan mest af vatninu í
burtu og leggið í skálina með súkkulaðinu.

Hitið rjóman í miðlungs potti þar til hann rétt byrjar svo að krauma og hellið síðan yfir
súkkulaðið og matarlímið.

Leyfið að standa í 5 mín og hrærið svo með töfrasprota.

Hellið safanum í mjórri bunu út í súkkulaði blönduna á meðan þið hrærið með
töfrasprotanum.

Hellið síðan blöndunni ofan í skál og leyfið að kólna í amk.4 klst inn í ísskáp.

Þeytið síðan blönduna í hrærivél þar til að hún þykkist.

Samsetning

Klippið út langa lengju af bökunarpappír á hæð við hæð kökuformsins sem kakan
bakaðist í.

Leggið síðan pappírinn meðfram hliðunum og leggið kökuna í botn formsins.

Dreifið svo ástaraldin músinni vel í formið ofan á kökuna.

Kælið inn í ísskáp helst yfir nótt þar til músin nær að halda sínu formi.

Takið kökuna síðan varlega úr forminu og fjarlægið pappírinn.

Færið yfir á kökudisk og njótið.

Kakan geymist best inn í ísskáp en höndlar að vera við stofuhita í nokkrar klukkustundir.