Marengsbotnar

1. Hitið ofninn í 170°C.

2. Setjið bökunarpappír á tvær ofnskúffur og teiknið um 25 cm hring á hvora.

3. Þeytið saman eggjahvítur og púðursykur þar til topparnir halda sér.

4. Skiptið á milli ofnplatanna og dreifið úr, skiljið eftir um 2 cm af hringjunum sem þið teiknuðu þar sem marengsinn lekur aðeins út við bakstur.

5. Bakið í 45 mínútur og leyfið marengsinum að kólna niður með ofninum í að minnsta kosti klukkustund.

Fylling

1. Takið um 1/3 af rjómanum til hliðar til að setja ofan á síðast.

2. Stappið um helming jarðarberjanna og setjið saman við stærri hlutann af rjómanum (2/3), skerið restina af jarðarberjunum í bita til að skreyta kökuna með.

3. Hellið 1 poka af Bíókroppi saman við rjómann með stöppuðu jarðarberjunum, blandið öllu vel saman og setjið á milli botnanna.

4. Setjið restina af rjómanum á toppinn, smyrjið aðeins út (ekki alveg út að köntum samt) og skreytið með meira Bíókroppi og niðurskornum jarðarberjum.

5. Bræðið að lokum suðusúkkulaðið og dreifið úr yfir alla kökuna.