Hafrakex botn

Aðferð:
Myljið Göteborgs hafrakex í matvinnsluvél þar til allt er mulið fínt.
Hellið smjörinu yfir og hrærið þar til allt kemur lauslega saman.
Hellið blöndunni í stórt tart form með lausum botni.
Þjappið vel í botninn og upp allar hliðar.
Kælið síðan tart skelina og gerið súkkulaði ganache.

Súkkulaði ganache

Aðferð:
Hitið rjómann og smjörið saman þar til það kemur upp létt suða. Takið þá af hitanum og bætið súkkulaðinu við og hrærið þar til súkkulaðið hefur bráðnað.
Hellið súkkulaði blöndunni í hafrabotninn og leyfið svo tartinu að kólna alveg niður inni í ísskáp í a.m.k. 1 ½ til 2 klukkustundir.

Sykurpúða krem

Aðferð:
Setjið eggjahvíturnar, sykurinn og vatnið í stál skál. Leggjið yfir vatnsbað á miðlungs hita og hrærið stöðugt með písk þar til allur sykurinn er búinn að leysast upp. Þið finnið það með því að nudda blöndunni á milli tveggja fingra og ef að þið finnið ekki fyrir sykur kristöllunum þá má taka blönduna af hitanum.
Hrærið síðan í hrærivél eða með handþeytara þar til létt og stíft í u.þ.b 7 mínútur.
Hellið síðan kreminu ofan á tartið og dreifið því vel yfir yfirborðið.
Brennið síðan með brennara þar til sykurpúða kremið virðist gullið brúnt.
Berið helst fram samdægurs og kremið er gert og njótið!