Pavlova

Byrjið á því að hita ofninn í 100°C blástur.

Leggið bökunar pappír á bökunarplötu og leggið til hliðar.

Þeytið eggjahvíturnar, sykur og edik í stórri skál í hrærivél eða með handþeytara í nokkrar mín þar til marengsinn er stífþeyttur.

Bætið síðan við flórskykri og hrærið í auka 2 mín á miðlungs/miklum hraða.

Marengsinn missir smá stífleika sinn á þessum tímaunkti en ef þið hrærið í nokkrar mínútur í viðbót þá á marengsinn að stífna aftur.

Setjið marengsinn á bökunar plötuna og dreifð honum í hring.

Reynið að fletja marengsin ekki alltof mikið út svo að hann verði smá þykkur.

Takið skeið og myndið smá dæld í miðju marengsins.

Bakið síðan á 100°C í 2 klst - 2 ½ klst.

Slökkvið síðan á ofninum og leyfið pavlovunni að kólna inni í ofni í amk 2 klst en helst yfir nótt.

Hvítt súkkulaði sítrónu krem

Setjið sítrónu safa, 100 gr af sykrinum og smjörið saman í miðlungs pott og bræðið allt saman.

Á meðan skal setja eggið, eggjarauðurnar og 50 g af sykrinum í hrærivél og hrærið það til mjög létt og ljóst.

Þegar smjör blandan hefur bráðnað og rétt svo farin að sjóða er henni helt í mjórri bunu ofan í eggja blönduna á meðan hrærivélin gengur.

Hellið síðan allri blöndunni aftur í pottinn og hrærið stöðugt í lágum hita með písk þar til að mixtúran þykkist u.þ.b. 2-5 mín.

Takið síðan af hitanum og hellið í gegnum sigti í skál, setjið plast filmu ofan á og leyfið að kólna við stofuhita í 30-60 mín.

Bræðið hvíta súkkulaðið og hrærið saman við sítrónu blönduna með písk og leggið svo til hliðar.

Samsetning

Skerið hýðið af blóðappelsínum og skerið síðan í þunnar sneiðar og leggið svo til hliðar.

Þeytið síðan rjóma og leggið til hliðar.

Takið pavlovuna varlega af bökunarpappírnum og leggið á disk.

Smyrjið sítrónu kreminu yfir og síðan rjómanum.

Skreytið með blóðappelsínu sneiðum.

Best er að bera kökuna fram innan við 2 klst eftir að allt er komið á hana.